Mugakide dituen udalerriak ostegunean hilaren 3an biltzera deitu ditu Donostiako udalak; tartean, Usurbilgoa. Etxerik gabeko pertsonen egoera aztertzea izango du xede hitzorduak.

Haur eskola Partzuergoan integratzeko beste bi urrats erabakigarri eman zituen udalbatzak, uztailaren 23ko osoko bilkuran; batetik, Udalaren eta Udarregi ikastolaren arteko kontratu haustura tarteko, kalte-ordainak onartu zituzten. Horrekin batera, Haurreskolak Partzuergoaren eta Usurbilgo Udalaren arteko lankidetza-hitzarmena onartu zuen udalbatzak aho batez.